दुवाेकाे माला बनाउने र सुपारी सजावट तालिम सम्पन्न ।

श्री बाराही बचत तथा ऋण सहकारी संस्था

व्यवस्थापक श्री शिवजी हाकुदुवालज्यू

दुवोको माला र सुपारी सजावट तालिमका सहभागीहरूलाई स्वागत गर्दै संस्थाको उद्देश्य, सदस्यको आर्थिक तथा सामाजिक सशक्तीकरण, सहकारीको भूमिका र सीप विकासको महत्वबारे बोल्नुभएको थयो । जसमा सकारात्मक सोच, सामूहिक भावना र आत्मनिर्भरतामा जोड दिँदै तालिमबाट प्राप्त सीपलाई आम्दानीको स्रोत बनाउन प्रोत्साहन गर्ने मुख्य सन्देश दिनुभएको थियो।

संस्थागत मन्तव्य

विषय: दुवोको माला र सुपारी सजावट तालिमको उद्घाटन/

सम्माननीय प्रमुख अतिथिज्यू, विशिष्ट अतिथिहरू, प्रशिक्षकज्यूहरू, प्यारे दाजुभाइ तथा दिदीबहिनीहरू,‍

आजको यस महत्वपूर्ण प्रशिक्षण कार्यक्रममा उपस्थित सम्पूर्णमा श्री बाराही बचत तथा ऋण सहकारी संस्थाको तर्फबाट हार्दिक स्वागत तथा अभिवादन गर्न चाहन्छु ।

१. स्वागत तथा परिचय:

• आजको यस दुवोको माला बनाउने तथा सुपारी सजावटको तालिममा सहभागी भई यस कार्यक्रमलाई सफल पार्न आउनु भएका सम्पूर्ण सदस्यहरूलाई यस संस्थाको तर्फबाट हार्दिक स्वागत गर्दछु । यो तालिम हाम्रो संस्थाको ‘सशक्तिकरण र स्वरोजगार’ अभियानको एक महत्वपूर्ण पाटो हो ।

२. संस्थाको उद्देश्य र तालिमको महत्व:

• हाम्रो बाराही साकोसले सदस्यहरूको आर्थिक उन्नतिसँगै सीप विकासमा जोड दिँदै आएको छ । यो तालिम खासगरी महिला सदस्यहरूलाई आत्मनिर्भर बनाउने, उहाँहरूको आयआर्जनको बाटो फराकिलो पार्ने र घरमै बसेर पनि अतिरिक्त आम्दानी गर्न सघाउने उद्देश्यले आयोजना गरिएको हो ।
• दुवोको माला र सुपारी सजावट जस्ता सीपहरूले हाम्रो संस्कृति र परम्परालाई जोगाउनुका साथै बजारमा राम्रो माग भएको उत्पादन पनि हो । यसबाट सदस्यहरूले छोटो समयमै स्वरोजगार बन्न सक्नेछन् ।

३. सहकारीको भूमिका र अपेक्षा:

• सहकारी भनेको केवल पैसाको कारोबार गर्ने संस्था मात्र होइन, यो त एक परिवार हो जहाँ हामी मिलेर काम गर्छौं, सिक्छौं र अगाडि बढ्छौं ।
• म यस तालिममा सहभागी सबैलाई आग्रह गर्न चाहन्छु कि यो अवसरलाई सदुपयोग गर्नुहोस् । प्रशिक्षकबाट प्राप्त ज्ञान र सीपलाई मन लगाएर सिक्नुहोस् र यसलाई केवल तालिममा मात्र सीमित नराखी व्यावसायिक रूपमा अगाडि बढाउनुहोस् ।

4. भविष्यको योजना र प्रोत्साहन:

• तालिमपछि पनि तपाईंहरूलाई आवश्यक परेमा संस्थाले बजारिकरण, थप सहयोग वा समन्वयमा साथ दिनेछ । तपाईंहरूको सफलतामा नै संस्थाको सफलता छ ।
• याद राख्नुहोस्, तपाईंहरूले बनाएको एउटा मालाले एउटा परिवारलाई खुशी दिन सक्छ, एउटा घरमा आय ल्याउन सक्छ।

५. अन्त्यमा:

• यस कार्यक्रमलाई सफल पार्न सहयोग गर्नुहुने प्रशिक्षकज्यूहरू, व्यवस्थापन समिति, र सम्पूर्ण सहभागी सदस्यहरूमा हार्दिक धन्यवाद दिँदै आजको यो तालिम सफल र फलदायी बनोस् भन्ने शुभकामना सहित मेरो मन्तव्य यहीँ अन्त्य गर्दछु ।                                                   धन्यवाद !

दुवाेकाे माला बनाउने र सुपारी सजावट तालिम सम्पन्न ।